ថ្មីៗនេះ កំពូលតារាចម្រៀង មាស សុខសោភា បានធ្វើឲ្យមហាជន និងអ្នកគាំទ្រមានការភ្ញាក់ផ្អើលជាខ្លាំង ក្រោយពីអ្នកនាងបានចេញមុខទម្លាយរឿងរ៉ាវជីវិតអាពាហ៍ពិពាហ៍ជាមួយអតីតស្វាមី ដែលបានរួមរស់ជាមួយគ្នាជាង១០ឆ្នាំ ពោរពេញទៅដោយរឿងរ៉ាវឈឺចាប់ ដែលអ្នកនាងជាអ្នករកស៊ីចិញ្ចឹមប្ដី និងរ៉ាប់រងគ្រួសារទាំងមូល។
ឆ្លើយតបទៅនឹងការទម្លាយនេះ អ្នកឧកញ៉ា អាន ស៊ីម៉ី ដែលជាអ្នកគាំទ្រម្នាក់ ក៏បានចេញមុខបញ្ចេញមតិយោបល់ និងបង្ហាញការព្រួយបារម្ភក្នុងនាមជាអ្នកស្រឡាញ់រាប់អាន និងជាស្ត្រីដូចគ្នា។
នៅក្នុងសំណេរដ៏វែងអន្លាយដែលបានបង្ហោះនៅលើទំព័រហ្វេសប៊ុកផ្លូវការរបស់ខ្លួន អ្នកនាង មាស សុខសោភា បានរៀបរាប់ថា៖
«តើនៅលើលោកនេះមានស្ដ្រីម្នាក់ណា ដែលមានប្ដីហើយរកស៊ីចិញ្ចឹមប្ដីជាង១០ឆ្នាំដូចរូបនាងខ្ញុំដែរឬទេ? រស់នៅជាង១០ឆ្នាំជាមួយប្ដី នាងខ្ញុំមិនដែលទទួលបានលុយពីប្ដីសូម្បីតែ ១០០ដុល្លារ។ មានតែខំដើរច្រៀង ពេលបានលុយ ប្ដីយកទៅទិញរបស់ដាក់ឈ្មោះរួមគ្នា ហើយលុយបានពីការច្រៀងទាំងប៉ុន្មាន ប្ដីទារយកកាន់ទាំងអស់។ មិនត្រឹមតែប៉ុណ្ណោះ ថែមទាំងរកเรื่องប្រច័ណ្ឌ ទម្លាក់កំហុស ដេញម្ដាយបងប្អូនខ្ញុំចេញពីផ្ទះ ចោទប្រកាន់ខ្ញុំថាផិតក្បត់ជាមួយកូនអ្នកធំនេះអ្នកធំនោះ។ ពេលឈឺគ្មានអ្នកមើលថែ មានប្ដីដូចអត់ប្ដី មិនដែលឱ្យតម្លៃខ្ញុំជាប្រពន្ធ ខំដើរច្រៀងរហូតដល់រលូតកូន។»
អ្នកនាងបានបន្តថា ព្រោះតែចង់បានសុភមង្គល ទើបស៊ូទ្រាំខាំមាត់សង្កត់ចិត្ត ធ្វើជាសើចបន្លំភ្នែកមហាជន ទាំងដែលក្នុងទ្រូងស្ទើរប្រេះឆា ហើយជីវិតស្ទើរតែគិម្លាប់ខ្លួនដោយសារស្វាមី។ ប៉ុន្តែក្រោយមក ក៏បានផ្លាស់ប្ដូរជីវិតដោយសារការយល់ធម៌។
ក្រោយពីបានឃើញសំណេររបស់តារាចម្រៀង មាស សុខសោភា អ្នកឧកញ៉ា អាន ស៊ីម៉ី ក៏បានបង្ហោះសារមួយដោយបង្ហាញការយល់ចិត្ត និងផ្ដល់ជាយោបល់ថា៖ «មុននេះបន្តិចនាងខ្ញុំបានឃើញអាយដលយើងផុសរឿងគាត់ចិញ្ចឹមប្ដីគាត់ជាង១០ឆ្នាំ គាត់សួរថាតើមានមនុស្សស្រីណាដូចគាត់អត់? នាងខ្ញុំឆ្លើយថាមាន គឺនាងខ្ញុំហ្នឹងហើយ យល់និងដឹងច្បាស់ណាស់។ ទោះបីនេះជាជម្រើសនិងក្តីសុខរបស់អាយដល ប៉ុន្តែដោយការស្រឡាញ់អាយដលជាយូរឆ្នាំមកហើយ បងប្អូនទាំងអស់គ្នាមិនចង់ឱ្យអាយដលជួបរឿងដដែលៗទៀតទេ។ បើអាយដលបែកពីប្ដីមុន អាយដលចិញ្ចឹមគាត់ហើយ ហ្វេនទាំងអស់គ្នាគ្រាន់តែមិនចង់ឃើញអាយដលទទួលអ្នកក្រោយយ៉ាប់ជាងអ្នកមុនទៀតទេ។ ទាំងរូបសម្បត្តិ ទាំងសមត្ថភាព ហ្វេនចង់ឃើញអាយដលយកអ្នកក្រោយរូបសម្បត្តិស្អាតបាត សាកសមនឹងអាយដល ទាំងមានសមត្ថភាពអាចចិញ្ចឹមមើលថែអាយដលបានល្អ និងផ្ដល់សេចក្តីសុខ សុភមង្គលពេញលេញឱ្យអាយដលណា។
VIDEO
