ភ្នំពេញ៖ តារាចម្រៀងជើងចាស់ មាស សុខសោភា បានធ្វើការបកស្រាយ និងចែករំលែកទស្សនៈរបស់ខ្លួនទាក់ទងនឹងការធ្វើទាន ឬការជួយទៅដល់អ្នកដទៃ ដោយបានលើកឡើងថា ការជួយដោយសម្ងាត់ គឺប្រសើរជាងការជួយហើយថតបង្ហោះ។
ក្នុងបទសម្ភាសន៍មួយ មាស សុខសោភា បានថ្លែងថា៖ “ខ្ញុំជួយសម្ងាត់អត់បង្ហាញ អត់បង្ហោះ ព្រោះការជួយបង្ហាញ បង្ហោះហ្នឹង វាកម្លាំងបុណ្យខ្សោយ។ ខ្ញុំឆ្លៀតពេលខ្លះជួយអ្នកមានសីល អ្នកខ្វះខាត តែខ្ញុំអត់បង្ហាញទេ តែយើងបង្ហាញវាខ្សោយនូវគុណធម៌ហើយ កម្លាំងបុណ្យវាខ្សោយ”។
ក្រៅពីនេះ តារាស្រីរូបនេះ ក៏បានបដិសេធព័ត៌មានមិនពិតមួយចំនួនដែលទាក់ទងនឹងគ្រួសាររបស់ខ្លួន រួមមាន៖
* ព័ត៌មានចចាមអារ៉ាមអំពីឪពុករបស់នាង ដែលថាដណ្ដើមប្រពន្ធគេ ហើយរូបភាពដែលត្រូវបានចែកចាយនោះ គឺត្រូវបានកាត់តតាំងពី ៣ ទៅ ៤ឆ្នាំមុន នៅពេលដែលឪពុករបស់នាងនៅជាឥសីនៅភ្នំត្បែង។
* ព័ត៌មានមិនពិតអំពីខ្លួនឯង ដែលថាយកប្ដីគេ និងស្រឡាញ់ឥសី។
សោភាបានបញ្ជាក់ថា ឪពុករបស់នាងបានលាចាកសិក្ខាបទជាង ២ឆ្នាំមកហើយ ហើយកំពុងរស់នៅជាមនុស្សសាមញ្ញ៕
